13 avqust 2012 02:07
Bayern nəhayət ki, Dortmund Borussiasından güclü çıxdı
Futbol üzrə Almaniya Super Kubokunun qalibi müəyyənləşib. Azerisport.az xəbər verir ki, həlledici matçda son çempion “Borussia” (Dortmund) və kubokun qalibi “Bayern” qarşılaşıb.
Oyuna fəal başlayan “Bayern” 6-cı dəqiqədə hesabı açıb. Mario Mandzukiç fərqlənib. Cəmi 5 dəqiqə sonra Tomas Müller fərqi iki topa çatdırıb. Hücümlarını davam etdirən “Borussia” 75-ci dəqiqədə Robert Levandovski ilə fərqi azaltsa da, 1:2 hesablı məğlubiyyətə mane ola bilməyib.
Bu “Bayern”in Super Kubokda 5-ci uğuru olub. Münhen təmsilçisi sonuncu dəfə kuboku 2010-cu ildə muzeyinə aparmışdı. “Borussia” isə indiyədək 4 dəfə Super Kubokda qələbəyə sevinib.
Almaniya Super Kuboku
12 avqust
Bayern – Borussia (Dortmund) - 2:1
Qollar: Mandzukiç, 6, Müller, 11 – Levandovski, 75.
