13 avqust 2012 16:03
“Neftçi ilə ilk oyunumuzun harda keçirilməsinin elə də ciddi önəmi yoxdu”
Kiprin APOEL klubunun idarə heyətinin üzvü Antoniu Takis Avropa Liqasının pley-off mərhələsindəki rəqibləri – Azərbaycan çempionu “Neftçi” barədə fikirlərini açıqlayıb. Azerisport.az xəbər verir ki, o, ölkə mətbunatına müsahibəsində öncə bunları dilə gətirib:
“Hələlik bizim “Neftçi” barədə kifayət qədər məlumatımız yoxdu. Amma indidən təxmin edirəm ki, bu komanda pley-off mərhələsinə qədər irəliləyibsə, deməli, güclü rəqibdi. Ona görə də bizə bu komanda ilə oyunlara ciddi hazırlaşmaq lazımdı. Son illərdə Avroliqanın bu mərhələsində zəif komandalara rast gəlmək olmur. Bu üzdən də ilk oyuna mümkün qədər ciddi yanaşmalıyıq”.
“Hələlik bizim “Neftçi” barədə kifayət qədər məlumatımız yoxdu. Amma indidən təxmin edirəm ki, bu komanda pley-off mərhələsinə qədər irəliləyibsə, deməli, güclü rəqibdi. Ona görə də bizə bu komanda ilə oyunlara ciddi hazırlaşmaq lazımdı. Son illərdə Avroliqanın bu mərhələsində zəif komandalara rast gəlmək olmur. Bu üzdən də ilk oyuna mümkün qədər ciddi yanaşmalıyıq”.
Takisin sözlərinə görə, APOEL Avroliqanın qrup mərhələsinə düşəcək gücdədi: “Ən yaxın zamanda rəqibimiz barədə bütün mümkün məlumatları əldə etməyə çalışacağıq. Bu, bizə pley-off mərhələsini daha yaxşı keçməyə kömək edəcək. Fikrimcə, komandamız tamamilə qrup mərhələsinə vəsiqə qazanacaq gücdədi”.
O, komandanın hazırlıq səviyyəsinə də toxunub: “Ümid edirəm ki, APOEL-in oyunu daha da yaxşılaşacaq. Biz məşqçilərimizin və futbolçularımızın imkanlarına bələdik. Amma bundan artıq nəsə deyə bilmərəm”.
Məlum olduğu kimi, “Neftçi” ilə APOEL arasındakı ilk oyun püşkə görə Nikosiyada keçirilməli idi. Amma həmin qərar dəyişdirildi və Nikosiya cavab matçını qəbul edəcək. Takis bu məsələyə də münasibət bildirib: “Bunun o qədər də ciddi fərqi yoxdu. Əsas odu ki, biz hər iki qarşılaşmaya hazır olaq. Oyunun harda keçiriləcəyinə görə ağlamağa dəyməz. Biz elə Norveçin “Aalesund” klubu ilə oyunlarda da sübut etdik ki, ilk oyunun harda keçirilməsinin ciddi önəmi yoxdu (hər iki oyunda APOEL qələbə qazanıb – 2:1, 1:0). Odu ki, indiki halda da ciddi fərq görmürəm”.
