13 avqust 2012 11:27
AFFA da Vaqif Cavadova verdiyi cəzanı ləğv etdi
AFFA İntizam Komitəsinin iclası keçirilib. Azerisport.az xəbər verir ki, iclasda yeganə müzakirə olunan məsələ futbol üzrə Azərbaycan yığmasının və “Qarabağ”ın futbolçusu Vaqif Cavadova təxminən bir il öncə verilən cəza ilə bağlı olub.
Beləliklə, müzakirələrdən sonra aşağıdakı qərar çıxarılıb:
“İntizam Komitəsinin 19 oktyabr 2011-ci il tarixli iclasında milli komandanın üzvü Vaqif Cavadov 1 (bir) il müddətinə Azərbaycan milli komandasının heyətindən kənarlaşdırılmışdı. 09 avqust 2012-ci il tarixində futbolçu Azərbaycan “A” milli komandasının baş məşqçisi Berti Foqtsla görüşərək tutduğu hərəkətə görə məyus olduğunu bildirmiş, ondan və komanda yoldaşlarından üzr istəmişdir. Bu hadisədən sonra 10 avqust 2012-ci il tarixində Azərbaycan “A” milli yığma komanda baş administratorunun müraciətinə əsasən futbolçuya verilən cəza ləğv edilir”.
