14 avqust 2012 14:16
PFL Neftçi - Qəbələ matçı ilə bağlı qərarını açıqladı
Xəbər verdiyimiz kimi, Azərbaycan çempionu “Neftçi”nin Premyer Liqanın 3-cü turunun “Qəbələ” ilə oyununun keçirilmə tarixi dəyişdirilib. Azerisport.az xəbər verir ki, paytaxt klubu Avropa Liqasındakı çıxışı ilə əlaqədar 3-cü turun oyununu bir gün öncəyə keçirməyə nail olub.
Məlum olduğu kimi, bu görüş təqvimə əsasən avqustun 19-da keçirilməli idi. Amma yeni qərara əsasən “Qəbələ” ilə “Neftçi” bir gün öncə meydana çıxmalı olacaqlar.
Artıq PFL də bununla bağlı müvafiq qərarını açıqlayıb. Bu barədə yayılan rəsmi məlumatda bildirilir:
“Neftçi”nin UEFA Avropa Liqasının pley-off mərhələsi matçlarına daha yaxşı hazırlaşmasını və eləcə də klubun PFL-ə rəsmi mürəciətini nəzərə alaraq
ƏMR EDİRƏM:
Premyer Liqanın III turunun “Neftçi” – Qəbələ” matçı 19 avqust 2012-ci il tarixindən 18 avqust 2012-ci il tarixinə keçirilsin.
PFL-in prezidenti R. Musayev”.
Qeyd edək ki, “Neftçi” ilə APOEL arasındakı ilk oyun avqustun 23-də Bakıda, “Dalğa Arena”da keçiriləcək. Oyun saat 21:00-da start götürəcək. Cavab qarşılaşması isə avqustun 30-da Nikosiyada baş tutacaq.
