14 avqust 2012 12:14
Azərbaycan klubunun transfer edə bilmədiyi futbolçu Türkiyə təmsilçisi ilə müqavilə bağladı
Futbol üzrə Bosniya və Herseqovinanın gənclərdən ibarət yığmasının hücumçusu Damir İbriç Azərbaycan klubundan imtina edib. Azerisport.az xəbər verir ki, o, Premyer Liqa təmsilçilərindən biri ilə danışıqlar aparsa da, razılığa gələ bilməyib.
Amma o, artıq özünə yeni klub tapıb. Belə ki, İbriç bundan sonra Türkiyənin “Kocaelispor” klubunun şərəfini qoruyacaq. Elə onun İzmit təmsilçisi ilə yanaşı, Azərbaycan klubuna da mümkün keçidi barədə məlumatı qardaş ölkə mətbuatı yayıb. Amma forvardın konkret hansı klubumuzla danışıqlar apardığı bildirilmir.
Lakin qeyd edək ki, bu, böyük ehtimalla AZAL-dı. Çünki bu yay "təyyarəçilər"in bu futbolçu ilə maraqlandığı, hətta onu baxışdan keçirdiyi barədə məlumatlar dolaşırdı.
