15 avqust 2012 17:54
Məşqçi-jurnalist münasibətlərinə dair treninq keçirildi
Bu gün “İnter”in bazasında klubun nəzdində yeni yaradılmış "Laborİnter" İdman və Sağlamlıq Prоblеmləri üzrə Тədqiqat Mərkəzi (İSPTM) tərəfindən Uşaq-Gənclər Futbol Məktəbinin (UFGM) məşqçi heyəti üçün “Müasir dövrdə məşqçi-jurnalist münasibətləri” mövzusunda treninq keçirilib. Azerisport.az xəbər verir ki, klubun mətbuat xidmətinin rəhbəri və İSPTM-nin direktoru Səbuhi Məmmədov treninq iştirakçılarına yeni yaradılmış mərkəzin məqsəd və vəzifələri haqqında qısa məlumat verdikdən sonra, Kütləvi İnformasiya Vasitələrinin rolu və funksiyaları barədə fikirlərini bölüşüb.
KİV-in təbliğat-təşviqat, ideoloji və maarifləndirici vəzifələr yerinə yetirdiyi vurğulanan treninqdə məşqçi-jurnalist münasibətlərinin müxtəlif aspektləri müzakirə edildi və KİV nümayəndəsinin məlumat əldə edilməsində səlahiyyət daxilində köməklik göstərilməsinin zəruriliyi vurğulanıb. Bundan başqa, treninqdə “İnter”PİK-in missiyası, məqsədi və dəyərləri barədə ətraflı məlumat verildi və hər bir əməkdaşın klubun korporativ maraqlarına uyğun fəaliyyət göstərməsinin zəruriliyi nəzərə çatdırılıb. Tədbirdə "Laborİnter" İSPTM-nin bundan sonra da idman sahəsini əhatə edən müxtəlif aktual məsələlər barədə seminar və treninq-kurslar keçirəcəyi bildirilib.
