Premyer Liqa, 3-cü tur: tarixə səyahət

Bu həftə Azərbaycan çempionatında 3-cü turun oyunları keçiriləcək. Azerisport.az xəbər verir ki, ölkənin ən güclü 12 komandası Premyer Liqada növbəti matçına Azərbaycan milli komandalarının oyunlarından sonra çıxacaq.

 

Peşəkar Futbol Liqasının rəsmi saytı bu tur üz-üzə gələn komandaların ölkə çempionatları tarixindəki əvvəlki qarşılaşmalarının balansını təqdim edib.

III tur, 18 avqust (şənbə)

13. “Kəpəz” (Gəncə) – AZAL (Bakı)
+1=2-5, top fərqi – 4:10

 

AZAL Gəncə təmsilçisi ilə təkcə oyunların ümumi balansında deyil, səfər matçlarında da üstündür. İndiyədək cəmi 1 qələbəsi olan qərblilər son 3 oyunda da qol vurmadan məğlub olub: hər 3 görüşdə də eyni hesab qeydə alınıb – 0:2.

 

14. “Simurq” (Zaqatala) – “Turan” (Tovuz)
+8=6-4, top fərqi – 23:17

 

Zaqatala təmsilçisi “Turan”la oyunlarda üstünlüyə malik olsa da, son 2 qarşılaşmada qalib müəyyənləşməyib. “Simurq”un son 2 ev oyununda hər 2 komanda qol vurmağı bacarıb. Ümumiyyətlə tovuzlular son 7 səfəri qolsuz tərk etmir.

 

15. “Rəvan” (Bakı) – “Bakı” (Bakı)
+0=1-1, top fərqi – 2:3

İndiyədək cəmi 2 dəfə qarşılaşan paytaxt təmsilçilərinin 3-cü duelinə “Bakı” cüzi üstünlüklə çıxır. Lakin onlar rəqib meydanında qələbə qazanmayıb.

 

 

17. “Neftçi” (Bakı) – “Qəbələ” (Qəbələ)

+7=4-5, top fərqi – 21:14

 

17-ci duel ərəfəsində “Neftçi”nin üstünlüyü olsa da, son matçlar fərqli təsir bağışlayır. Belə ki, “Qəbələ” son 3 oyunda rəqibinə qalib gəlib.

 

19 avqust (bazar)

16. “Sumqayıt” (Sumqayıt) – Qarabağ” (Ağdam)
+1=1-0, top fərqi – 2:1

Ötən mövsüm qarşılaşan komandaların oyunlarında sumqayıtlılar daha uğurlu çıxış edib. Həmin vaxt səfərdə sevinən “Gənclik şəhəri” təmsilçisi bu dəfə rəqibini doğma meydanda qəbul edəcək.

 

18. “İnter” (Bakı) – “Xəzər Lənkəran” (Lənkəran)
+6=12-4, top fərqi – 22:21

 

Turun ən çox qarşılaşan cütü artıq 23-cü dəfə üz-üzə gələcək. Oyunların yarısından çoxunda heç-heçə edən komandaların duellərində “İnter”in müəyyən üstünlüyü var. Lakin bakılılar son 2 oyunda qol vura bilməyib.