15 avqust 2012 00:54
Yunan hücumçunun Bakıya keçidi gündəmdən düşmək bilmir
Xəbər verdiyimiz kimi, yunanıstanlı hücumçu Dimitris Sialmas karyerasını “Bakı”da davam etdirə bilər. Azerisport.az xəbər verir ki, Yunanıstan mətbuatı tərəflər arasında danışıqlar getdiyini bəyan etsə də, sonradan baş məşqçi Bojidar Bandoviç heç bir yunan futbolçu ilə maraqlanmadıqlarını bəyan etmişdi.
Amma Sialmas xəbərləri də səngimək bilmir. Məsələ burasındadı ki, Bandoviçin təkzibinin ardınca bu dəfə hücumçunun meneceri maraqlı açıqlama ilə çıxış edib. O, bildirib ki, Sialmas hətta “Bakı”ya keçid üçün lazım olan məbləği də AEK-ə özü ödəməyə hazırdı.
Maraq üçün qeyd edək ki, 1986-cı ildən anadan olan Sialmasın ilk peşəkar klubu 2005-2006 mövsümündə çıxış etdiyi “Ethnikos Asteras” klubu olub. 2006-2008-ci illər aralığında isə o, “Panionios”un şərəfini qoruyub (24 oyun, 6 qol). 2008-2009 mövsümündə “Ethnikos Piraeus”da 18 oyun keçibi, 7 qola imza atıb. 2009-cu ildə isə onu “PAS Giannina” transfer edib. Sialmas 2011-ci ilə qədər çıxış etdiyi bu komanda 35 oyun keçirib, 18 qol vurub. Həmin müddətdə o, icarə əsasında “Olympiakos”da da oynayıb – 9 oyun, 3 qol. Son klubu AEK-də isə 20 oyun keçirib, 4 qola imza atıb.
