16 avqust 2012 13:52
Paulu Bentu millimizə qarşı ən güclüləri çıxarmaq istəyir
DÇ-2014-ün seçmə mərhələsində Azərbaycan yığmasının rəqiblərindən olan Portuqaliya seçməsinin baş məşqçisi Paulu Bentu ötən gün Panamaya qarşı keçirdikləri yoxlama görüşündən (2:0) sonra fikirlərini açıqlayıb. Azerisport.az xəbər verir ki, o, bunları dilə gətirib:
“Biz sabit oyun sərgiləməyə çalışırıq. Bu heyət isə optimal varianta çox yaxındı. Lakin qarşıda uzun bir yol var. DÇ-2014-ün seçmə mərhələsi bir ildən artıq vaxt aparacaq. Bu isə o deməkdi ki, heyətdə də dəyişikliklər qaçılmaz olacaq. Komandanın özəyini qorumağa çalışacağıq. Amma bir daha deyirəm ki, millinin qapıları hər kəsin üzünə açıqdı. Azərbaycanla oyunda da istisna olmayacaq. Mən yığmada yüksək rəqabətin olmasını istəyirəm. Yığmada ancaq o futbolçular yer alacaq ki, komandanın maraqlarıan daha yaxşı xidmət edəcək”.
Qeyd edək ki, yığmamızın Portuqaliya ilə oyunu sentyabrın 11-də Braqada baş tutacaq.
