16 avqust 2012 14:12
Bəxtiyar Soltanovla Qarabağın yolları ayrılır
“Qarabağ”ın hücumçusu Bəxtiyar Soltanov Ağdam klubu ilə yollarını ayırır. Azerisport.az xəbər verir ki, komandanın baş məşqçisi Qurban Qurbanov ona özünə yeni iş yeri tapmağı tapşırıb.
Buna səbəb Bəxtiyarın hazırlıq səviyyəsinin onu qane etməməsidi. Belə ki, “Qarabağ”a gəldiyi gündən bəri əsas heyət üzvünə çevrilə bilməyən futbolçu ümidləri doğrultmadığından, Qurbanov yeni mövsümdə onu komandada saxlamaq istəmir.
Məhz bu üzdən Soltanova özünə klub tapmaq tapşırılıb. Böyük ehtimalla o, bu həftənin sonuna kimi hansısa başqa kluba keçəcək. Əks halda o, ən azı qış fasiləsinə qədər ağdamlıların əvəzedici heyətində çıxış etmək məcburiyyətində qalacaq.
