17 avqust 2012 16:40
Simurq daha 2 legionerlə müqavilə imzaladı
“Simurq” daha iki futbolçu ilə güclənib. Azerisport.az xəbər verir ki, Zaqatala klubu xorvatiyalı Zdravko Popoviç və bosniyalı Mario Bojiçi heyətinə qatıb.
Popoviç hücumçu, Bojiç isə yarımmüdafiəçidi. Onların hər ikisi ilə bir illik müqavilə imzalanıb.
Qeyd edək ki, 29 yaşlı Popoviç karyerası ərzində Xorvatiyanın “Zagreb”, “Samobor”, “Croatia Sesvete”, Yunanıstanın OFİ və “Atromitos” klublarında çıxış edib. Onun son iş yeri Yunanıstanın “Levadiakos” komandası olub. Hücumçu 2010-cu ildən forma geyindiyi komandada 54 oyuna çıxıb və 8 qol vurub.
Bojiç isə Bosniya və Hersoqovina milli komandasının sabiq üzvüdü. 29 yaşı olan futbolçu yarımmüdafiəçidi. 181 sm boya malik oyunçu karyerası ərzində Serbiyanın “Loznica”, “Radniçki”, “Milicionar”, “Borac”, Macarıstınan “Fehervar”, “Ujpest”, Slovakiyanın “Slovan”, İsrailin “Ashdod” klublarında forma geyinib. Onun son iş yeri Çinin “Shanghai Shenhua” klubu olub. Futbolçu 2007-ci ildən sonra Bosnifa və Hersoqovina yığmasına iki dəfə dəvət alıb.
