Misir millisinin futbolçusu rəsmən Qarabağda (FOTO)

“Qarabağ” daha bir transfer reallaşdırıb. Azerisport.az xəbər verir ki, transfer siyasətinə həssas yanaşan bu komanda cari mövsüm 3-cü legioner transferində də ənənəsinə sadiq qalıb.

 

Ağdam klubu Miro Varvodiç, Riçard Almeydanın ardından daha bir istedadı sıralarına qatıb. Misirin ən istedadlı futbolçularından sayılan Mustafa Selim və ya sürətli driblinq və fantastik  texnikasına  görə xəyal anlamına gələn “Afroto” artıq rəsmən “Qarabağ”dadı.

 

Misirli futbolçu ölkəsinin ən güclü klubu sayılan “Əl-Əhli”dən gəlib. 2009-cü ildə ölkəsində keçirilən 21 yaşlıların dünya çempionatında millisinin aparıcı siması olub. “Qarabağ”ın Boludakı təlim-məşq toplanışına qatılan Mustafa “Rizespor”la keçirilən yoxlama oyununda meydana daxil olaraq qələbə qolunu vurmuşdu. Artıq Bakıda olan Mustafayla müqavilə bağlanılıb.