17 avqust 2012 11:16
Xəzər Lənkəran Moldova yığmasının qapıçısını alır (FOTO)
“Xəzər Lənkəran” Moldova yığmasının və “Zimbru”nun qapıçısı Nikolay Kalançanı baxışa çağırıb. Azerisport.az xəbər verir ki, o, artıq cənub təmsilçisinin düşərgəsində məşqlərə də başlayıb.
Bu barədə məlumatı komandanın baş məşqçisi Yunis Hüseynov verib. O, bildirib ki, qolkiper məşqdə baxışdan keçirdikdən sonra həftə sonuna qədər qərarını verəcək.
Qeyd edək ki, “Zimbru”nun yetirməsi olan Kalança 2004-2006-cı illərdə bu komandanın əvəzedici (34 oyun), 2006-2012-ci illərdə əsas komandasında çıxış edib. İndiyədək “Zimbru”da 218 oyuna çıxıb. 2008-2009 mövsümündə Rusiyanın “Krılya Sovetov” klubuna icarəyə verilən (3 oyun) futbolçu cari mövsüm Moldova çempionatında keçirilən iki oyunda komandanın formasını geyinib. Həmçinin Avropa Liqasının ilk iki təsnifat mərhələsində 4 oyunda çərçivəni qoruyub.
Kalança Molova yığmasının üzvüdü. 2007-ci ildən komandaya çağılan qapıçı 12 dəfə milli formanı geyinib. O, yığmadakı son oyununu bu ilin 29 fevralında Belarusa qarşı keçirib.
