23 avqust 2012 22:52
Neftçi APOEL-ə qalib gələ bilmədi (YENİLƏNİB)
Bu gün futbol üzrə UEFA Avropa Liqasında pley-off mərhələsinin ilk oyunları keçirildi. Azerisport.az xəbər verir ki, Azərbaycan çempionu “Neftçi” də bu mərhələdə ilk oyununa çıxdı.
Məlum olduğu kimi, komandamız avrokubokların cari mövsümünə Çempionlar Liqasının ikinci təsnifat mərhələsindən start vermişdi. İlk cəhdində Gürcüstan çempionu “Zestafoni”ni mübarizədən kənarlaşdıran “ağ-qaralar” eyni uğuru üçüncü təsnifat mərhələsinin İsrail “Hapoel”iylə (Kiryat Şmona) mübarizədə təkrarlaya bilməmişddi. Amma reqlamentə əsasən Azərbaycan təmsilçisi hələ Avroliqada da mübarizə aparmaq şansına malikdi. Nüfuzuna görə qitənin ikinci dərəcəli klub turnirinin pley-off mərhələsində “Neftçi” APOEL (Kipr) səddini keçməlidi. Hansı ki, paytaxt klubu Nikosiya təmsilçisini mübarizədən kənarlaşdırmaqla böyük bir tarixi uğura imza ata bilər.
Avropa Liqası
Pley-off mərhələsi (ilk oyun)
23 avqust
NEFTÇİ – APOEL - 1:1 (0:0)
Şükürov, 82-pen. (1:0), Ben Aşur, 83 (1:1)
Hakimlər: Robert Malek, Kriştof Mirmus, Maçey Verzbovski, Tomas Vajda (hamısı Polşa).
Bakı. “Dalğa Arena”.
NEFTÇİ: 30. Saşa Stamenkoviç, 5. İqor Mitreski, 6. Rəşad Sadiqov (k), 9. Flavinyo, 10. Julius Vobay (17. Araz Abdullayev, 76), 11. Nikolas Kanales, 15. Erik Ramos, 16. Bruno Bertuççi, 22. Mahir Şükürov, 25. Cavid İmamverdiyev (19. Mirhüseyn Seyidov, 65), 32. Elvin Yunuszadə.
Ehtiyat oyunçular: 12. Emil Balayev, 3. Saşa Yunisoğlu, 4. Tərlan Quliyev, 26. Kərim Diniyev, 28. Emin Mehtiyev.
APOEL: 22. Dionisios Xiotis, 7. Mario Budimir (77. Atos Solomu, 87), 10. Kostas Xaralambides (k) (12. Aldo Adorno, 58), 11. Nektarios Aleksandru, 23. Eliu Pinto, 26. Nunu Moraiş, 27. Arits Borda, 28. Mario Serjio, 30. Zuela, 31. Elder Souza (18. Selim Benaşur, 46), 46. Efstatios Aloneftis.
Ehtiyat oyunçular: 78. Urko Pardo, 5. Maykl Klyukovski, 15. Maris Antoniades, 19. Marios Elia.
Sarı vərəqə: Aloneftis, Şükürov, Zuela, Ramos, Kanales.
