20 avqust 2012 02:08
İtaliya kuboku: 3-cü mərhələyə yekun vuruldu (YENİLƏNİB)
Futbol üzrə İtaliya kubokunda üçüncü təsnifat mərhələsinin oyunları keçirilib. Azerisport.az xəbər verir ki, bu mərhələdə 32 klub mübarizə aparırdı.
Onlar növbəti mərhələyə adlayan 16 xoşbəxtin adına aydınlıq gətiriblər. İlk oyun günündə baş tutan görüşlərdən sonra onların 15-nin adı bəlli olub. Bunlar “Fiorentina”, “Chievo”, “Cagliari”, “Cesena”, “Cittadella”, “Juve Stabia”, “Torino”, “Atalanta”, “Bologna”, “Catania”, “Verona”, “Livorno”, “Reggina”, “Palermo” və “Pescara” idi. Bu mərhələnin ən böyük sürprizi kimi isə “Sampdoria”nın daha zəif “Juve Stabia”, “Genoa”nın da “Verona” səddini keçə bilməməsi olub.
Növbəti mərhələyə daha bir vəsiqənin sahibi ötən gün müəyyənləşib. “Siena” “Vicenza” ilə görüşdən qalib ayrılaraq, növbəti mərhələy son vəsiqənin sahibinə çevrilib.
Qeyd edək ki, dördüncü təsnifat mərhələsinə vəsiqə qazanan 16 klub həmin mərhələdə öz aralarındakı 8 ən güclünü müəyyənləşdirəcəklər. Məhz həmin 8 ən güclü klub mübarizəyə birbaşa 1/8 final mərhələsindən başlayacaq “Inter”, “Napoli”, “Roma”, “Udinese”, “Lazio”, “Parma”, “Milan” və “Juventus”a rəqib olmaq şansı qazanacaq.
İtaliya kuboku
3-cü təsnifat mərhələsi
18 avqust
Fiorentina – Novara – 2:0
Chievo – Ascoli – 4:0
Cagliari – Spezia – 2:1
Cesena – Crotone – 3:2
Cittadella – Ternana – 1:0
Juve Stabia – Sampdoria – 1:1 (penaltilərlə 4:3)
Torino – Lecce – 4:2
Atalanta – Padova – 2:0
Bologna – Varese – 2:1
Catania – Sassuolo – 1:0
Genoa – Verona – 1:1 (penaltilərlə 1:4)
Livorno – Perugia – 4:1
Modena – Reggina – 1:5
Palermo – Cremonese – 3:1
Pescara – Carpi – 1:0
19 avqust
Siena - Vicenza - 4:2
