19 avqust 2012 22:49
Turun mərkəzi oyununda qalmaqal
Futbol üzrə Azərbaycan Premyer Liqasının 3-cü turunun “İnter” – “Xəzər Lənkəran” oyunu qalmaqalla başa çatıb. Azerisport.az xəbər verir ki, qarşılaşmanın sonunda iki komandanın futbolçuları arasında dava düşüb.
Belə ki, matçın start fiti səslənən kimi “İnter”in baş məşqçisi Kaxaber Tsxadadzenin oğlu Baçana Tsxadadze, onun həmyerlisi İliya Kandelaki ilə “Xəzər Lənkəran”ın oyunçuları Elnur Allahverdiyev, eləcə də Branimir Subaşiç və Sadio Tounkara əlbəyaxa olublar.
Davaya səbəb Kandelakinin oyunun sonlarında Tounkaranın ünvanına irqçi söyüşlərlə təhqir etməsi olub. Hər halda cənublu futbolçular bu barədə baş hakim Əliyar Ağayevi də məlumatlandırıblar. Güman ki, olayla bağlı açıqlamalar zamanı tam təfərrüatı da öyrənmək mümkün olacaq.
