21 avqust 2012 14:32
Karvanın yeni mövsümdə Azərbaycan çempionatındakı çıxışı sual altındadı
Bir vaxtlar Azərbaycan çempionatında özündən söz etdirən “Karvan” hazırda tarixinin ən çətin günlərini yaşayır. Azerisport.az xəbər verir ki, son mövsümlərdə birinci divizionda çıxış edən bu klubun indi ümumiyyətlə fəaliyyətini dayandırması təhlükəsi yaranıb.
Belə ki, Yevlax təmsilçisinin birinci divizionun yeni mövsümündə mübarizə aparıb-aparmayacağı sual altındadı. Məsələ burasındadı ki, komanda məşqlər keçirmir, futbolçuların əksəriyyəti isə klubun düşərgəsini tərk ediblər.
“Karvan”ın baş məşqçisi Kənan Kərimov da bu məlumatları təsdiqləyib: “Güman ki, komanda yeni mövsümdə birinci divizionda çıxış edə bilməyəcək. Amma son söz klub prezidenti Şahmar Vəliyevindi. O da hazırda ölkə ərazisində deyil”.
