22 avqust 2012 16:12
“Neftçiyə hörmətlə yanaşmağa borcluyuq”
Kiprin APOEL klubunun yarımmüdafiəçisi Salim Benaşur Avropa Liqasının pley-off mərhələsi çərçivəsində Azərbaycan çempionu “Neftçi”yə qarşı keçirəcəkləri ilk oyun öncəsi fikirlərini açıqlayıb. Azerisport.az xəbər verir ki, o, sabah baş tutacaq görüş ərəfəsində öncə bunları dilə gətirib:
“Azərbaycan təmsilçisi ilə oyuna hazırlıqlarımız yaxşı keçir. Biz bilirik ki, Bakıda bizə asan olmayacaq. Rəqibə hörmətlə yanaşmağa borcluyuq. Çünki “Neftçi” öz ölkəsinin çempionu olan komandadı”.
“Azərbaycan təmsilçisi ilə oyuna hazırlıqlarımız yaxşı keçir. Biz bilirik ki, Bakıda bizə asan olmayacaq. Rəqibə hörmətlə yanaşmağa borcluyuq. Çünki “Neftçi” öz ölkəsinin çempionu olan komandadı”.
Benaşurun sözlərinə görə, onlar hələ Bakıdakı qarşılaşmada necə oynayacaqlarını tam dəqiqləşdirməyiblər: “Biz hələ “Neftçi”yə qarşı necə oynayacağımızı tam bilmirik. Hər şeyə baş məşqçi qərar verir. O, hələ bizə hər şeyi başa salacaq. İndidən isə yalnız onu bilirik ki, bu oyuna tam məsuliyyətlə yanaşmalıyıq”.
Fransalı yarımmüdafiəçi oyunun süni örtüklü “Dalğa Arena”da keçirilməsinə də toxunub: “Oyunun süni örtüklü arenada keçirilməsi də bizim işimizi çətinləşdirən amillərdəndi. Çünki biz adətən təbii ot örtüyündə oynamağa alışmışıq. Ona görə də “sintetika”ya keçmək öz sözünü deyəcək”.
Lakin o, hər şeyə rəğmən, növbəti mərhələyə məhz komandasının yüksələcəyini bildirir: “İki həftədi ki, bu oyuna hazırlaşırıq. Meydanda yüz faiz gücümüzü qoymalıyıq. Ümid edirəm ki, Avroliqanın qrup mərhələsinə vəsiqə qazanacağıq”.
