23 avqust 2012 14:39
Mahir Şükürov: 2:0 hesablı qələbə məni qane edir
“Neftçi”nin futbolçusu Mahir Şükürov UEFA Avropa Liqasının pley-off mərhələsi çərçivəsində Kiprin APOEL klubuna qarşı keçirəcəkləri ilk oyun öncəsi fikirlərini açıqlayıb. Azerisport.az xəbər verir ki, o, Bakıda baş tutacaq qarşılaşma ilə bağlı bunları dilə gətirib:
“Biz APOEL-in oyunlarının videoyazısına baxmışıq. Bilirik ki, necə təhlükəli rəqibdilər. Amma “Neftçi” heç kimdən qorxmur. Biz tarix yazmaq və Avropa Liqasının qrup mərhələsinə düşmək istəyirik. “Neftçi”nin şansları da pis deyil. Hər şey bizim özümüzdən asılıdı. Komandamız Bakıda öz oyununu sərgiləməlidi. Şəxsən məni 2:0 hesablı tamamilə qane edir”.
Qeyd edək ki, “Neftçi” ilə APOEL arasındakı ilk oyun bu gün “Dalğa Arena”da keçiriləcək. Oyun saat 21:00-da start götürəcək. Cavab qarşılaşması isə avqustun 30-da Nikosiyada oynanılacaq və saat 22:00-da başlayacaq.
