24 avqust 2012 12:53
Neftçi AZAL-la da oynamaq istəmir
Azərbaycan çempionu “Neftçi” Peşəkar Futbol Liqasına müraciət edib. Azerisport.az xəbər verir ki, paytaxt klubu Premyer Liqanın 4-cü turunun AZAL ilə oyununun təxirə salınmasını xahiş edib.
Buna səbəb komandanın bir neçə gün sonra Avropa Liqasının pley-off mərhələsinin cavab oyunları çərçivəsində Kipr APOEL-i ilə səfər matçına çıxmasıdı. “Ağ-qaralar” ilk oyunda 1:1 hesablı heç-heçəyə razılaşdıqları kiprlilərlə oyuna daha yaxşı hazırlaşmaq üçün AZAL-la oyunun başqa vaxtda keçirilməsini istəyir.
Qeyd edək ki, PFL “Neftçi” ilə AZAL arasındakı oyunu məhz avrokuboklara görə öncə avqustun 25-dən 26-na keçirmişdi. Amma görünür indi bu görüşü ümumiyyətlə təxirə salmaq lazım gələcək. “Neftçi”nin “Bakı” ilə də oyunu eyni səbəblərdən başqa tarixə keçirilib.
APOEL - “Neftçi” oyunu isə avqustun 30-da baş tutacaq.
