24 avqust 2012 02:25
Julius Vobay: Biz qələbəyə layiq idik
“Neftçi”nin futbolçusu Julius Vobay UEFA Avropa Liqasının pley-off mərhələsi çərçivəsində Kiprin APOEL klubuna qarşı keçirdikləri ilk oyun barədə fikirlərini açıqlayıb. Azerisport.az saytına müsahibəsində o, Bakıda baş tutan və 1:1 bitən qarşılaşma ilə bağlı bunları dilə gətirib:
“Biz qol buraxmalı deyildik. Hesab 1:0 qalsaydı, bu, bizim üçün çox yaxşı nəticə olardı. Amma heç-heçəyə rəğmən, hesab edirəm ki, biz yaxşı oyun sərgilədik və qələbəyə layiq idik. Hər halda hələ heç nə itirilməyib. Qarşıda cavab oyunu da var”.
Qeyd edək ki, “Neftçi” ilə APOEL arasındakı cavab qarşılaşması avqustun 30-da Nikosiyada oynanılacaq və saat 22:00-da başlayacaq.
