24 avqust 2012 16:02
Rail Məlikov Türkiyə klubu ilə anlaşdı
Futbol üzrə Azərbaycan yığmasının futbolçusu Rail Məlikov karyerasını Türkiyədə davam etdirəcək. Azerisport.az xəbər verir ki, “Neftçi”dən ayrılandan bəri özünə klub axtaran futbolçu qardaş ölkə təmsilçisi ilə anlaşıb.
Belə ki, Məlikov “Denizlispor”la razılığa gəlib. Bu günlərdə o, Türkiyəyə yola düşəcək və yeni komandası ilə müqavilə bağlayacaq. Hələlik müqavilənin şərtləri barədə açıqlama verilmir.
Artıq bu barədə məlumatı “Dənizlispor”un prezidenti Süleyman Urkay da təsdiqləyib. O, qardaş ölkə mətbuatına müsahibəsində bildirib ki, Raillə razılıq əldə ediblər və onu Dənizliyə dəvət ediblər.
Xatırladaq ki, Məlikov Çempionlar Liqasının üçüncü təsnifat mərhələsinin İsrail “Hapoel”i (Kiryat Şmona) ilə səfər oyunundakı 0:4 hesablı məğlubiyyətdən dərhal sonra transferə çıxarılmışdı. Sonradan klub rəhbərliyi sabiq kapitanına azad agent statusu da verdi. Bu üzdən də “Dənizlispor” Məlikovu transfer etdiyi üçün Azərbaycan çempionuna heç bir kompensasiya ödəməyəcək.
