24 avqust 2012 04:30
Millimizin rəqibinin heyəti açıqlandı
Futbol üzrə Rusiya milli komandasının baş məşqçisi Fabio Kapello Şimali İrlandiya və İsraillə keçirəcəkləri DÇ-2014-ün seçmə mərhələ oyunları üçün ilkin heyəti açıqlayıb. Azerisport.az xəbər verir ki, italiyalı mütəxəssis ilk qrup matçlarına 37 futbolçu çağırıb.
O, hətta “Zenit”in 36 yaşlı yarımmüdafiəçisi Sergey Semaka da dəvət göndərib. Kapello Moskva “Lokomotiv”ində çıxış edən əslən azərbaycanlı Aleksandr Səmədovu da yaddan çıxarmayıb. Futbolçular arasında seçim aparıldıqdan sonra gələn həftə yekun heyət açıqlanacaq.
Qeyd edək ki, Şimali İrlandiya ilə oyun sentyabrın 7-də Moskvada, İsraillə səfər qarşılaşması isə bundan 4 gün sonra Ramat-Qanda keçiriləcək. Bu komandalarla eyni qrupda Azərbaycan millisi də yer alıb.
Qapıçılar: İqor Akinfeyev (CSKA), Vladimir Qabulov (Anji), Vyaçeslav Malafeyev (Zenit), Anton Şunin (Dinamo, Moskva);
Müdafiəçilər: Aleksandr Anyukov (Zenit), Aleksey Berezutski, Vasili Berezutski, Sergey İqnaşeviç, Georgi Şennikov (hamısı CSKA), Taras Burlak, Andrey Yeşenko (ikisi də “Lokomotiv”, Moskva), Yuri Jirkov, Arseniy Loqaşov (hər ikisi “Anji”), Roman Şaronov (Rubin);
Yarımmüdafiəçilər: Diniyar Bilyaletdinov, Dmitri Kombarov (hər ikisi “Spartak”, Moskva), Vladimir Bıstrov, İqor Denisov, Konstantin Zıryanov, Sergey Semak, Viktor Fayzulin, Roman Şirokov (hamısı “Zenit”), Alan Dzaqoyev (CSKA), Denis Qluşakov, Maqomed Ozdoyev, Aleksandr Səmədov (hamısı “Lokomotiv”), Alan Kasayev, Aleksandr Ryazantsev (hər ikisi “Rubin”), Oleq Şatov (Anji);
Hücumçular: Andrey Arşavin (Arsenal, İngiltərə), Artyom Dzyuba (Spartak, Moskva), Vladimir Dyadyun (Rubin), Aleksandr Kerjakov (Zenit), Aleksandr Kokorin (Dinamo), Roman Pavlyuçenko (Lokomotiv, Moskva), Pavel Poqrebnyak (Reeding, İngiltərə), Fyodr Smolov (Anji).
