24 avqust 2012 19:15
Sialmasla Skarduelli rəsmən Xəzər Lənkəranda
“Xəzər Lənkəran” Futbol Klubu iki yeni əcnəbi futbolçuları heyətinə qatdığını bəyan edib. Azerisport.az xəbər verir ki, bunlar, yunan forvard Dimitris Sialmas və əslən braziliyalı olan İtaliya vətəndaşı Vanderson Skarduellidi. Bu gün hər iki legionerlə klubun ofisində bir illik muqavilələr imzalanıb.
Sialmas “Xəzər Lənkərana” Yunanıstanın AEK klubundan keçib. Futbolçu XL-da həyatında ilk dəfə olaraq legioner həyatı yaşayacaq. Bundan əvvəl o, yalnız Yunanıstan klublarında oynayıb: 2005-2006 və 2008-2009-cu illərdə - “Etnikos”da, 2006-2008-cı illərdə - “Panionios”də, 2009-2011-ci illərdə - “PAS Giannina”da. AEK-də isə Sialmas ötən ildən çıxış edirdi.
27 yaşlı Vanderson Skarduelli də “Xəzər Lənkəran”a Yunanıstan çempionatından gəlib. Sol cinah müdafiəçisi mövqeyində çıxış edən Skarduelli adı çəkilən ölkənin çempionatında vaxtilə Sialmasın da oynadığı “PAS Giannina” klubunun formasını geyib. O, bu klubun şərəfini son üç mövsüm qoruyub, son mövsümdə isə hətta komandanın kapitanı olub.
Bundan əvvəl isə Vanderson 2004-2007 illərdə Braziliyanın “Corinthians”, “İtuano”, “San Bento” və “Campo Grande” klublarında oynayıb. 2007-2009-cu illərdə o, İtaliyanın “Siena”, “Martina” və “Treviso” klublarının şərəfini qoruyub.
