24 avqust 2012 22:16
Qurban Qurbanov: Rəvan bizim oyunumuzu yaxşı analiz etmişdi
“Qarabağ”ın baş məşqçisi Qurban Qurbanov Premyer Liqanın 4-cü turunun “Rəvan” ilə oyununu şərh edib. Azerisport.az xəbər verir ki, Ağdam təmsilçisinin çalışdırıcısı 0:0 hesabıyla başa çatan görüşdən sonra bunları dilə gətirib:
“Rəvan” bu gün ən yaxşı oyunlarından birini sərgilədi. Rəqib bizim bütün hücumlarımızı mərkəzdə qarşılamağa çalışırdı. Görünürdü ki, rəqib bizi yaxşı öyrənib. Məşqçi işi hiss olunurdu. Buna baxmayaraq, bizim də çoxlu qol epizodlarımız oldu. Mümkündü ki, ustalıq səviyyəsi çatmadı. Bəzi epizodlarda isə həddən çox tələsirdik. "Rəvan" sübut etdi ki, "Xəzər Lənkəran"dan bir xalı təsadüfən qazanmayıb. İstədiyimiz oyunu göstərə bilmirik. Problemin səbəbini bilirəm və bunu aradan qaldırmağa çalışacağıq. Qarşılaşmanın sonlarında temp bir qədər aşağı düşdü. Xallarımıza birini də əlavə etdik. "Rəvan"a uğurlar arzulayıram".
