25 avqust 2012 00:38
“Bakıda məğlub olsaydıq da, bunun qisasını alardıq”
Kiprin APOEL klubunun futbolçusu Selim Benaşur UEFA Avropa Liqasının pley-off mərhələsi çərçivəsində Azərbaycan çempionu “Neftçi”yə qarşı keçirdikləri ilk oyundan (1:1) sonra azerisport.az saytının suallarını cavablandırıb:
- Yəqin ki, “Neftçi”dən belə oyun gözləmirdiniz...
- Mən hesab etmirəm ki, komandanız o qədər də diqqətəlayiq oyun sərgilədi. Sadəcə, oyunun birinci hissəsində üstünlük sizin tərəfinizdə idi. Başqa heç nə. Prinsipcə, bütün komandalar ev oyunlarında belə çıxış edirlər.
- Amma komandanızın baş məşqçisi sizinlə müqayisədə tam fərqli fikirlər səsləndirib. O qeyd edir ki, komandasından da belə oyun gözləmirmiş...
- Prinsipcə, o, haqlıdı. Biz bacardığımız oyunu göstərə bilmədik. Buna görə də “Neftçi” daha çox hücum edirdi.
- Özü də rəqib sizinlə müqayisədə daha çox qol epizodu yaratdı...
- Əgər biz bacardığımız oyunu sərgiləyə bilsəydik, çətin ki, rəqib belə üstünlük qazana bilərdi. Həm də fasilədən sonra artıq bərabər səviyyəli oyun gedirdi.
- Bakılıların yeganə səhvini məhz siz bağışlamadınız. Bu barədə nə deyə bilərsiz?
- Həmin epizodda sadəcə mən itirak edirdim. Şadam ki, belə vacib qarşılaşmada qol vura bildim. 0:1 hesabıyla məğlub olsaydıq, bu, bizim işimizi daha da çətinə sala bilərdi. Amma hətta bu görüşdə məğlub olsaydıq da, yenə bunun qisasını ala bilərdik.
- Həmin epizodda sadəcə mən itirak edirdim. Şadam ki, belə vacib qarşılaşmada qol vura bildim. 0:1 hesabıyla məğlub olsaydıq, bu, bizim işimizi daha da çətinə sala bilərdi. Amma hətta bu görüşdə məğlub olsaydıq da, yenə bunun qisasını ala bilərdik.
- Siz buna belə çox əminsiniz?
- Biz öz meydanımızda daha yaxşı oynayacağıq. Bakıdakı qarşılaşmada o qədər də baxımlı futbol sərgiləyə bilməməyimizi mövsümün əvvəli olması ilə əlaqələndirərdim. Bizdə belə hallar olur. Amma bir həftə sonra tam fərqli olacaq. Biz Avropa Liqasının qrup mərhələsinə düşmək şansımızı əldən vermək istəmirik.
- Biz öz meydanımızda daha yaxşı oynayacağıq. Bakıdakı qarşılaşmada o qədər də baxımlı futbol sərgiləyə bilməməyimizi mövsümün əvvəli olması ilə əlaqələndirərdim. Bizdə belə hallar olur. Amma bir həftə sonra tam fərqli olacaq. Biz Avropa Liqasının qrup mərhələsinə düşmək şansımızı əldən vermək istəmirik.
