25 avqust 2012 01:03
Yığmamızın məşqçisi APOEL – Neftçi matçını izləməyə gedir
Futbol üzrə Azərbaycan yığmasının baş məşqçisi Berti Foqts ölkə çempionu “Neftçi”nin Avropa Liqasının pley-off mərhələsində Kipr APOEL-inə qarşı keçirəcəyi cavab matçını da diqqətdə saxlayır. Azerisport.az xəbər verir ki, almaniyalı mütəxəssis Bakıdakı oyunda 1:1 hesablı heç-heçəyə razılaşmış bu komandaların cavab görüşünə öz nümayəndəsini göndərəcək.
O, Nikosiyaya əsas köməkçisi Nazim Süleymanovu göndərməyə qərar verib. Millimizin çalışdırıcısı “Neftçi”də çıxış edən futbolçuları iş başında izləyəcək və bu barədə baş məşqçiyə hesabat verəcək.
Qeyd edək ki, “Neftçi” ilə APOEL arasındakı cavab qarşılaşması avqustun 30-da Nikosiyada oynanılacaq və saat 22:00-da başlayacaq.
