26 avqust 2012 01:05
Cavid Türkiyədəki ilk rəsmi sınağından 5 aldı (VİDEO)
Türkiyə mətbuatı futbol üzrə Azərbaycan millisinin yarımmüdafiəçisi Cavid Hüseynovun PTT birinci liqanın ilk turundakı çıxışına qiymət verib. Azerisport.az xəbər verir ki, mövsümün açılış turunda həmyerlimizin şərəfini qoruduğu “Adana Demirspor” “Boluspor”la qarşılaşıb.
Səfərdə keçirilən görüşdə hesab açılmayıb – 0:0. Cavid start heyətdə meydana çıxıb. O, qarşılaşmanın 81-ci dəqiqəsində əvəzlənib. Bu müddət ərzində Hüseynov xüsusilə matçın 61-ci dəqiqəsində komandasının ən real qol vəziyyətlərindən birini yaratsa da, onu qola çevirə bilməyib.
Qardaş ölkə mətbuatı isə Cavidin çıxışını 5 balla qiymətləndirib. O, bu mənada yalnız iki komanda yoldaşından aşağı qiymətə layiq görülüb.
ADANA DEMİRSPOR: Ramazan (7) – Burak (5), Berat (5), Özgür (5), Murat (5), Emre Hasan (5), Yusuf (5), Erman (5) (Kerem Can, 90 – qiymətsiz), Cavid Hüseynov (5) (Samet, 81 - qiymətsiz), Erçağ (5), İrfan (7) (Hüseyin, 89 – qiymətsiz).
