26 avqust 2012 14:33
Rauf Əliyev: Deməzdim ki, Qarabağdan gedişimin xüsusi səbəbi var
Futbol üzrə Azərbaycan yığmasının və “Qarabağ”ın hücumçusu Rauf Əliyev “Xəzər Lənkəran”a mümkün transferinə dair fikirlərini açıqlayıb. Azerisport.az saytına müsahibəsində o, bunları dilə gətirib:
“Hələlik danışıqlar davam edir. Bəzi detalların dəqiqləşdirilməsi qalıb. Hər şeyə yaxın iki gün ərzində aydınlıq gəlməlidi. Deməzdim ki, “Qarabağ”dan getməyimin hansısa xüsusi səbəbi var. Hansısa futbolçunun bir komandadan digərinə keçməsi adi bir şeydi”.
Bir müddət öncə Raufun Türkiyənin “Göztepe” klubuna keçidi də gündəmdə idi. Bəs görəsən millimizin üzvünün türklərlə danışıqları niyə uğursuz alındı: “Onların təklifi elə təklif olaraq qaldı. Yəni onlar tərəfindən sonra heç bir addım atılmadı”.
