27 avqust 2012 15:23
Modriç nəhayət ki, rəsmən Realda!
“Real” yay fasiləsində ilk transferini reallaşdırıb. Azerisport.az xəbər verir ki, “Kral klubu” Luka Modriçi heyətinə qatıb.
Bu barədə “Real”ın rəsmi saytı xəbər yayıb. Xəbərdə qeyd olunur ki, “Tottenham” klubundan alınan xorvat yarımmüdafiəçi ilə 5 illik müqavilə imzalanıb.
Klub transferin qiymətini açıqlamayıb. İspaniya mətbuatı isə “Real”ın Modriç üçün qarşı tərəfə 35 milyon avro ödədiyini iddia edib.
Qeyd edək ki, Zaqreb “Dimamo”sunun yetirməsi olan Modriç bu klubla yanaşı, Xorvatiyanın “İnter” və Bosniya-Hersoqovinanın “Zrinski” klublarında çıxış edib. 2008-ci ildə transfer olunduğu “Tottenham”də 127 oyuna çıxıb, 13 qol vuran 26 yaşlı ulduz Xorvatiyanın bütün aşağı yaş qrupları üzrə yığmalarında top qovub. O, əsas millidə meydana çıxdığı 57 matçda 8 qola imza atıb.
