27 avqust 2012 12:34
“Çalışıram ki, onun etimadını doğruldum”
Premyer Liqanın son turunda “Bakı” “Kəpəz”i 3:1 hesabı ilə məğlub etdi. Azerisport.az xəbər verir ki, paytaxt klubunun heyətində ilk qolu rəqib qapısına Nurlan Novruzov vurdu. Gənc futbolçu oyunla bağlı fikirlərini bildirib:
“Bu gün çox yaxşı oynadıq. Ümumiyyətlə biz həmişə yaxşı oynayırıq. Ötən mövsümlə müqayisədə komandada çox fərq var. Amma “Simurq” və “Rəvan”la qarşılaşmalarda çox sayda qol imkanlarımızdan yararlana bilmədik. “Kəpəz”i 3:1 hesabı ilə udduq. Bu oyunda daha çox qol vurmaq imkanımız var idi. Özümə gəlincə, qol vurduğum üçün çox sevincliyəm. Baş məşqçi mənə şans verir. Mən də çalışıram ki, onun etimadını doğruldum”.
