30 avqust 2012 02:09
Neftçinin qənimi də ÇL-dən uzaqlaşdırıldı, Fenerbahçe də (YENİLƏNİB)
Futbol üzrə UEFA Çempionlar Liqasında pley-off mərhələsinin cavab oyunları keçirilib. Azerisport.az xəbər verir ki, qitənin ən nüfuzlu klub turnirinin qrup mərhələsinə vəsiqə uğrunda 20 kollektiv mübarizə aparırdı.
Bu iştirakçılar arasında təəssüf ki, artıq Azərbaycan təmsilçisi yox idi. Ölkə çempionu “Neftçi” bu turnirin ikinci təsnifat mərhələsində mübarizədən kənarlaşdırdığı Gürcüstan “Zestafoni”sinin aqibətini İsrail təmsilçisi “Hapoel”ə (Kiryat Şmona) yaşada bilmədi və ÇL ilə vidalaşmalı oldu.
Məhz "Neftçi"ni ÇL-dən uzaqlaşdırmış "Hapoel" özü də bu turnirlə vidalaşmalı olub. Elə qardaş Türkiyənin "Fenerbahçe" klubu da çıxışını başa vurmalı olub. Bu iki komanda ilə yanaşı pley-off mərhələsinin bütün məğlubları Avropa Liqasının qrup mərhələsinə "köçmək" məcburiyyətində qalıblar. Qalib gələn 10 klub isə ÇL-in qruplarına vəsiqəni təmin ediblər.
UEFA Çempionlar Liqası
Pley-off mərhələsi (cavab oyunları)
28 avqust
Hapol (Kiryat Şmona, İsral) - BATE (Belarus) - 1:1 (0:2)
Qollar: Lençe, 67 - Pavlov, 90+4.
Anderlecht (Belçika) - AEL Limassol (Kipr) - 2:0 (1:2)
Qollar: Mbokani, 81, Yakovenko, 89.
Maribor (Sloeniya) - Dinamo (Zaqreb, Xorvatiya) - 0:1 (1:2)
Qol: Tonel, 12.
Udinese (İtaliya) - Braga (Portuqaliya) - 1:1 (penaltilərlə - 4:5) (1:1)
Qollar: Armero, 25 - R.Mikael, 72.
Panathinaikos (Yunanıstan) - Malaga (İspaniya) - 0:0 (0:2)
29 avqust
Fenerbahçe (Türkiyə) - Spartak (Moskva, Rusiya) - 1:1 (1:2)
Qollar: Sou, 69 - Ari, 6.
Dinamo (Kiyev, Ukrayna) - Borussia (Münhenqladbax, Almaniya) - 1:2 (3:1)
Qollar: İdeye, 88 - Xaçeridi, 70-öz qapısına, Aranqo, 78.
Lille (Fransa) - Copenhagen (Danimarka) - 2:0 (0:1)
Qollar: Diqne, 43, De Melo, 105.
CFR Cluj (Rumıniya) - Basel (İsveçrə) - 1:0 (2:1)
Qol: Kapetanos, 20.
Celtic (Şotlandiya) - Helsingborg (İsveç) - 2:0 (2:0)
Qollar: Huper, 29, Vanyama, 88.
