28 avqust 2012 16:14
Yığmamız bu gün başlayır!
Futbol üzrə Azərbaycan yığması bu gündən etibarən bir araya toplaşır. Azerisport.az xəbər verir ki, millimiz DÇ-2014-ün seçmə mərhələsi çərçivəsindəki İsrail (7 sentyabr, Bakı) və Portuqaliya (11 sentyabr, Braqa) ilə oyunların hazırlığına məhz bu gündən start verir.
Berti Foqts yetirmələrini bu gün ilk məşqə çıxaracaq. Komandamızın ilk hazırlığı AFFA Futbol Akademiyasının stadionunda baş tutacaq.
Qeyd edək ki, məhz bu məşqlərin sonunda almaniyalı mütəxəssis qarşıdakı oyunlar üçün yekun heyəti də müəyyənləşdirməlidi. Güman ki, tam hazır olmayan və zədəsi olan futbolçular rəsmi oyunlar öncəsi komandadan uzaqlaşdırılacaq.
