29 avqust 2012 15:45
Premyer Liqamızın ən yaxşı futbolçuları müəyyənləşdirilir
2011-2012-ci il mövsümündə Azərbaycan Premyer Liqasında ən yaxşı oyunçular və baş məşqçinin seçimi məqsədilə sorğu aparılacaq. Azerisport.az xəbər verir ki, sorğu ötən mövsüm PFL-lə sıx əməkdaşlıq etmiş və çempionatın işıqlandırılmasında yaxından iştirak etmiş 40-dək mətbu orqan (hər mətbu orqandan 1 təmsilçi olmaqla) arasında 7 nominasiya üzrə aparılacaq.
Nominasiyalar aşağıdakılardı:
1. Premyer Liqanın 2011/2012-ci il mövsümünün ən yaxşı qapıçısı;
2. Premyer Liqanın 2011/2012-ci il mövsümünün ən yaxşı müdafiəçisi;
3. Premyer Liqanın 2011/2012-ci il mövsümünün ən yaxşı yarımmüdafiəçisi;
4. Premyer Liqanın 2011/2012-ci il mövsümünün ən yaxşı hücumçusu;
5. Premyer Liqanın 2011/2012-ci il mövsümünün ən yaxşı baş məşqçisi;
6. Premyer Liqanın 2011/2012-ci il mövsümünün ən yaxşı futbolçusu
7. Premyer Liqanın 2011/2012-ci il mövsümünün tapıntısı (gənc futbolçusu)
8. Premyer Liqanın 2011/2012-ci il mövsümünün ən yaxşı hakimi
9. Premyer Liqanın 2011/2012-ci il mövsümünün ən yaxşı qolu
Hər bir mətbu orqan bu nominasiyaların hərəsi üzrə 3 futbolçunun namizədliyini irəli sürəcək. 1-ci yerə 5 xal, 2-ci yerə 3 xal, 3-cü yerə 1 xal nəzərdə tutulub. Oyunçulara verilən xallar hesablanacaq və hər bir nominasiya üzrə qaliblər müəyyənləşəcək.
