31 avqust 2012 02:49
Avropa Liqasında qrup mərhələsinin bütün iştirakçıları müəyyənləşdi
Futbol üzrə UEFA Avropa Liqasında 2012-2013 mövsümünün qrup mərhələsinin bütün iştirakçılarının adları müəyyənləşib. Azerisport.az xəbər verir ki, qitənin nüfuzuna görə ikinci dərəcəli klub turnirinin pley-off mərhələsində mübarizə aparan 62 klub ötən gecə qrup mərhələsinə daha 31 vəsiqənin taleyinə aydınlıq gətirdilər.
İki oyunun nəticəsinə əsasən güclü çıxan klublar aşağıdakılar oldular: Genk (Belçika), Athletic (İspaniya), Rosenborg (Norveç), Twente (Hollandiya), Young Boys (İsveçrə), Steaua (Buxarest, Rumıniya), Videoton (Macarıstan), AIK (İsveç), Sparta (Çexiya), Anji (Rusiya), Viktoria (Çexiya), Hannover (Almaniya), Olympique (Marsel, Fransa), Inter (İtaliya), Rapid (Vyana, Avstriya), Liverpool (İngiltərə), Maritimo (Portuqaliya), Sporting (Portuqaliya), PSV (Hollandiya), Bordeaux (Fransa), Stuttgart (Almaniya), Metallist (Ukrayna), Hapoel (Təl-Əviv, İsrail), Lazio (İtaliya), Newcastle (İngiltərə), Levante (İspaniya), Dnepr (Ukrayna), NEFTÇİ (AZƏRBAYCAN), Molde (Norveç), Brugge (Belçika), Partizan (Serbiya).
Beləliklə, adı çəkilən 31 klub mübarizəyə məhz qrup mərhələsindən başlayacaq 7 iştirakçı, eləcə də Çempionlar Liqasının pley-off mərhələsini məğlub başa vuran 10 komanda ilə birgə Avroliqanın qrup mərhələsində çıxış etmək hüququ qazanıblar.
Mübarizəyə birbaşa bu mərhələdən başlayacaq klublar bunlardı: Atletico (İspaniya), Olympique (Lion, Fransa), Tottenham (İngiltərə), Bayer (Almaniya), Rubin (Rusiya), Napoli (İtaliya), Academica (Portuqaliya).
Çempionlar Liqasının pley-off mərhələsindən gələn klublar isə bunlardı: Hapol (Kiryat Şmona, İsral), AEL Limassol (Kipr), Maribor (Sloeniya), Udinese (İtaliya), Panathinaikos (Yunanıstan), Fenerbahçe (Türkiyə), Borussia (Münhenqladbax, Almaniya), Copenhagen (Danimarka), Basel (İsveçrə), Helsingborg (İsveç).
Qeyd edək ki, Avroliqanın pley-off mərhələsinin püşkatma mərasimi bu gün - avqustun 31-də keçiriləcək.
