1 sentyabr 2012 01:23
Paulu Bentu: Azərbaycan ilə oyunda favorit statusunu üzərimizə götürə bilərik
Futbol üzrə Portuqaliya yığmasının baş məşqçisi Paulu Bentunun DÇ-2014-ün seçmə mərhələsinin Lüksemburq (7 sentyabr) və Azərbaycan (11 sentyabr) ilə oyunları üçün heyəti açıqladığını xəbər vermişdik. Azerisport.az xəbər verir ki, o, son siyahıda üç dəyişiklik edib.
Belə ki, Bentu millimizlə görüş öncəsi Rolando, Uqo Viana və Almeydadan imtina edib. İlk iki futbolçu ilə müqayisədə, “Beşiktaş”ın hücumçusunun zədəli olması onu yığmadan kənar qoyub. Belədə, millinin çalışdırıcısı onları Nunu Andre Koelyu, Manuel Fernandes və Pitsi ilə əvəzləyib.
Bentu bu dəyişikliklərlə bağlı fikirlərini də açıqlayıb: “Mən Fernandesi ona görə çağırdım ki, o, texnikalıdı və taktiki cəhətdən Rolando, eləcə də Koelyuya oxşayır. Pitsiyə gəlincə, o, zədəli Almeydanı əvəzləməlidi. Mən heyətlə bağlı fərqli qərarlar da verə bilərdim. Amma bizi qarşıda vacib oyunlar gözləyir. Ona görə də bu heyət indi bizim üçün daha münasibdi”.
Portəgizlərin baş məşqçisi qarşıdakı oyunlarla da bağlı düşüncələrini dilə gətirib və komandasının Lüksemburq ilə Azərbaycana qarşı keçiriləcək oyunlarda favorit olduğunu bildirib: “Biz bu oyunlarda favorit rolunu üzərimizə götürə bilərik. Amma bu status heç də həmişə qələbəyə təminat vermir. Futbolçularımız bu oyunların vacibliyini dərk etməlidilər”.
Bentu qarşıdakı seçmə tsikldə əsas hədəflərini də açıqlayıb: “Hədəfimiz qrupda birinci yeri tutmaq və dünya çempionatına birbaşa vəsiqə qazanmaqdan ibarətdi. İkinci yeri tutmaqla biz heç nəyi təmin edə bilmərik”.
