2 sentyabr 2012 13:07
Platinidən Azərbaycana daha bir bəd xəbər
UEFA prezidenti Mişel Platini AÇ-2020-nin final mərhələsinin keçirilmə yeri ilə bağlı növbəti açıqlamalar verib. Azerisport.az xəbər verir ki, o, bu qitə birinciliyinə birdən artıq ölkənin eyni vaxtda ev sahibliyi etməsinin mümkünlüyünə dair israrını davam etdirib və tezliklə bunu müzakirəyə çıxaracaqlarını dilə gətirib.
Fransız bəyan edib ki, qitə birinciliyinin keçirilmə yeri ilə bağlı ilkin sistemdə dəyişikliyə ehtiyac var. AÇ-2020-yə bir neçə ölkənin ev sahibliyi etməsinə dair ideyasını öncə də söyləyən Platini “The Guardian” açıqlamasında bunları danışıb:
“Yaxın aylarda ölkə federasiyaları ilə bu məsələni müzakirə edəcəyik. İlin sonuna qədər bir qərar verəcəyik. Mən turnirə 13 ölkənin ev sahibliyi etməsinin tərəfdarıyam. Bu ölkələrden biri yarımfinalları və finalları keçirər. Diğer 12 matç da 12 ölkə üzrə bölüşdürülər”.
“Yaxın aylarda ölkə federasiyaları ilə bu məsələni müzakirə edəcəyik. İlin sonuna qədər bir qərar verəcəyik. Mən turnirə 13 ölkənin ev sahibliyi etməsinin tərəfdarıyam. Bu ölkələrden biri yarımfinalları və finalları keçirər. Diğer 12 matç da 12 ölkə üzrə bölüşdürülər”.
Qeyd edək ki, AÇ-2020-ni keçirməyə əsas namizəd Türkiyədi. Amma Azərbaycanla Gürcüstan da müştərək ev sahibliyi ilə bağlı UEFA-ya müraciət edib. Qitə futbol qurumunun yekunda hansı qərarı verəcəyi isə maraqla gözlənilir.
