4 sentyabr 2012 15:19
“Tezliklə sıraya dönəcəm”
“Bakı”nın futbolçusu Əziz Quliyev hazırkı durumu ilə bağlı fikirlərini açıqlayıb. Azerisport.az onun klubun rəsmi saytına açıqlamaları ilə sizi də tanış edir.
- “Turan”la oyuna hazırlıq necə gedir?
- Düzünü desəm, mənim üçün çətindi. Çünki bir aydı ki, komandadan kənar qalmışdım. İndi artıq məşqlərə başlamışam. Əlimdən gələni edirəm ki, tezlikə forma yığım. Zənnimcə, belə davam etsəm, “Turan”la oyunda komandama kömək edə bilərəm.
- “Turan”la oyundan sonra sizi Lənkəranda çətin oyun gözləyir...
- Deyirlər ki, oyun Yevlaxda keçiriləcək. Mənim üçün daha rahat olmalıdı, çünki mən uzun müddət “Karvan”ın heyətində oynamışam və həmin meydanı yaxşı tanıyıram.
- Avqustun 7-də 2014-cü il Dünya Çempionatının seçmə oyununda Azərbaycan komandası İsrail millisini gəbul edəcək. Bu oyunla bağlı sənin fikirini öyrənmək maraqlı olardı.
- Əlbəttə ki, mən Azərbaycan millisinə azarkeşlik edəcəm. Bunun üçün ikiqat stimul var. Çünki milli komandanın heyətinə həmklublarım Elvin və Aqil Məmmədovlar da çağırılıb. Yenidənqurmadan sonra böyük həvəslə Togiq Bəhramov adına stadiona gedib, oyunu canlı izləyəcəyəm.
