5 sentyabr 2012 21:00
Azərbaycan çempionu ilk oyununda qalib gəldi (YENİLƏNİB)
Futzal üzrə UEFA kubokunun əsas seçmə mərhələsində "Araz" bu gün ilk oyununu keçirib. Azerisport.az xəbər verir ki, təmsilçimiz Macarıstanın Dyor şəhərindəki “Magvassy Mihaly Sports Hall”da İrlandiyanın EID komandası ilə qarşılaşıb.
Azərbaycan çempionu oyuna bu heyətlə çıxıb: Covani Buranello, Felipe Ribeyro, Rizvan Fərzəliyev, Jadder Dantas, Vitali Borisov. Ehtiyat qüvvə isə Marat Salyanski, Rodriqo Taverna, Rəcəb Fərəczadə, Biro Jade, Aleksey Petrov, Serjao və Karlos Albertodan ibarət olub.
Qarşılaşma “Araz”ın qələbəsi ilə başa çatıb. İkinci dəqiqədə Borisov hesabı açıb. 27-ci dəqiqədə rəqib hesabı bərabərləşdirsə də, Vitali bundan dörd dəqiqə sonra komandamıza qələbə qazandırıb – 2:1.
