6 sentyabr 2012 12:33
Rəşad Sadıqov: İsrail ilə oyunda minimum vəzifə məğlub olmamaqdı
Futbol üzrə Azərbaycan yığmasının kapitanı Rəşad Sadıqov DÇ-2014-ün seçmə mərhələsi çərçivəsində İsrailə qarşı keçirəcəkləri oyun ərəfəsində fikirlərini açıqlayıb. Azerisport.az xəbər verir ki, o, bunları dilə gətirib:
“Sabah bizi seçmə mərhələdə ilk oyun gözləyir. Yaxşı hazırlaşmışıq. Artıq iki həftədi bir yerdəyik. Komandada yaxşı atmosfer var. Yaxşı nəticə qazanmaq istəyirik. Hələ Portuqaliya ilə oyunu düşünmürük. İndi bizim üçün daha vacib olan İsrail ilə oyundu. Minimum vəzifə uduzmamaqdı. Bu komanda seçmə mərhələlərdə sabit oyun sərgiləyir. Özü zəif komandalarla oyunlarda xal toplamağı bacarır. Bu mövsüm DÇ-2014-ə vəsiqə qazanmaq istəyirlər. Ona görə də bu komanda ilə oyuna ciddi hazırlaşırıq. Yalnız bu oyundan sonra Portuqaliya və Rusiya ilə görüşləri düşünə bilərik”.
