7 sentyabr 2012 01:44
Simurqun Gürcüstandakı son rəqibi müəyyənləşdi
"Simurq"un Gürcüstanda təşkil olunmuş təlim-məşq toplanışı artıq yekunlaşmaq üzrədi. Azerisport.az xəbər verir ki, ötən gün iki məşq çıxan “sarı-qaralar” səhər hazırlığını fitnes zalda həyata keçirib.
Fiziki hazırlıq üzrə məşqçi Aleksandar Karakliçin rəhbərliyi altında məşq edən Zaqatala təmsilçisi, axşam məşqində də əsasən taktiki ağırlıqlı tapşırıqlar üzərində işləyib. Daha sonra qısa ötürmələr və qapıya zərbələr üzərində çalışan komanda sonda iki tərəfli oyunla məşqi tamamlayıb.
Qeyd edək ki, "Simurq" bu gün bir məşqə çıxacaq. Axşam saatlarında baş tutacaq hazırlıqdan sonra Zaqatala təmsilçisi Gürcüstan toplanışın tamamlayacaq və 8-də Rustavi şəhərinin "Metalurq" klubu ilə yoldaşlıq görüşü keçirdəcək. Qarşılaşma Bakı vaxtı ilə saat 18:00-da başlayacaq. Bundan sonra komanda təlim-məşq toplanışın başa vuraraq Zaqatalaya geri dönəcək.
