7 sentyabr 2012 01:51
Bakı İnteri Dinamo ilə sınaq matçı keçirəcək
“İnter”in Gürcüstanın paytaxtı Tiflis şəhərindəki təlim-məşq toplanışı davam edir. Azerisport.az xəbər verir ki, toplanışın 8-ci günündə 2 məşq baş tutub.
Səhər çalışmasında futbolçular isinmə hərəkətlərinin ardınca fiziki hazırlıqlara diqqət yetiriblər. Axşam məşqində isə "İnter" taktiki tapşırıqlar üzərində çalışıb, daha sonra ikitərəfli oyun keçirilib və məşq son ötürmələr və qapıya zərbələrlə yekunlaşıb.
Qeyd edək ki, artıq dünəndən komandanın düşərgəsinə Azərbaycan yığmasının sərəncamından qayıdan Arif Daşdəmirov qoşulub. Hazırlığın planına əsasən bu gün "İnter" bir dəfə məşq edəcək.
Xatırladaq ki, ayın 8-də “İnter” "Dinamo" (Tiflis) klubuyla yoldaşlıq görüşü keçirəcək.
