7 sentyabr 2012 15:18
Yunis Hüseynov: O, Xəzər Lənkərana lazım idi
“Xəzər Lənkəran”ın baş məşqçisi Yunis Hüseynov rəhbərlik etdiyi məşqçilər korpusuna daha bir mütəxəssis əlavə edib. Azerisport.az xəbər verir ki, cənub klubu İspaniyadan bir mütəxəssislə anlaşıb.
Erik Roketa adlı məşqçi komandanın fiziki hazırlığına nəzarət edəcək. İspan mütəxəssis artıq ölkəmizə gələrək “Xəzər Lənkəran”da fəaliyyətə başlayıb.
Hüseynov saytımıza müsahibəsində Roketanın təyinatına münasibətini bildirib: “Biz çoxdan idi ki, fiziki hazırlıq üzrə yaxşı mütəxəssis axtarırdıq. Erik Roketa yaxşı və gənc mütəxəssisdi. O, bizə lazım idi. Ümid edirəm ki, bundan sonra komandanın fiziki durumu yaxşı vəziyyətdə olacaq”.
“Ağ-yaşıllar”ın çalışdırıcısı ötən gün keçirilən “Kəpəz”lə yoxlama matçına (4:2) da toxunub: “Komanda bu oyunda özünü yaxşı tərəfdən göstərə bildik. Eləcə də yeni transferlərimiz Beto və Dimitrios Sialmas. Amma onlar hələ fiziki cəhətdən tam hazır deyillər. Hər ikisi təxminən iki aydı məşq etmir”.
“Xəzər Lənkəran”ın baş məşqçisi bu gün DÇ-2014-ün seçmə mərhələsində yığmamızın İsraillə qarşılaşmadakı şanslarını da dəyərləndirib: “Milli komandamıza uğurlar arzulayıram. İlk oyunu mütləq uğurlu nəticə ilə başa vurmaq lazımdı. Əsas odu ki, uduzmayaq. İnanıram ki, belə də olacaq. Niyə də İsraili idmayaq”?
