8 sentyabr 2012 01:46
Foqts: Ona görə gərək bütün oyun sistemimizi dəyişək
Futbol üzrə Azərbaycan yığmasının baş məşqçisi Berti Foqts DÇ-2014-ün seçmə mərhələsi çərçivəsində Bakıda İsrailə qarşı keçirdiyimiz oyunda Cavid İmamverdiyevin iştirak etməməsinə dair səslənən narazılıqlara münasibətini açıqlayıb. Azerisport.az xəbər verir ki, almaniyalı mütəxəssis bunları dilə gətirib:
“Yığmada olmayan futbolçulardan danışmaq istəməzdim. Ötən gün biz U-21-in İngiltərə ilə oyununu izlədik. Elə Cavid İmamverdiyevin də oyununu gördüm. Düzdü, İsraillə qarşılaşmanın ikinci hissəsində biz daha çox yaradıcı oyun sərgiləmək məcburiyyətində qaldıq. Lakin Cavid elə futbolçudu ki, ona görə gərək bütün oyun sistemimizi dəyişək”.
