8 sentyabr 2012 14:52
İngiltərə AZAL-ın futbolçusuna 5 qol vurdu, Rəvanın üzvü kənardan izlədi
Futbol üzrə Moldova yığması DÇ-2014-ün seçmə mərhələsi çərçivəsində ilk oyununu keçirib. Azerisport.az xəbər verir ki, moldovalar doğma meydanda İngiltərəni qəbul edib.
Ada təmsilçisi rəqib meydanında böyük hesablı qələbə qazanıb – 5:0. İngiltərənin heyətində Frank Lempard dubl edib, Jermain Defo, Ceyms Milner və Leyqton Baynes hərəyə bir dəfə fərqlənib.
Moldova yığmasının baş məşqçisi İon Karas AZAL-ın futbolçusu Artur Patraşa start heyətində şans verib. O, matçı əvəzedilmədən keçirib. “Rəvan”ın müdafiəçisi Nikolay Orlovski isə heyətə düşməyib.
