8 sentyabr 2012 17:29
Kamanan het-trik etdi, Qəbələ qələbə qazandı
Premyer Liqanın 5-ci turu çərçivəsində “Kəpəz”ə qarşı keçiriləcək matçın hazırlıqlarını doğma şəhərində davam etdirən “Qəbələ” bu gün ikinci yoxlama oyununda qüvvəsini sınayıb. Azerisport.az xəbər verir ki, 3 gün öncə olduğu kimi yenidən əvəzedici heyətlə üz-üzə gələn əsas komanda 3:0 hesabilə qalib gəlib. Xatırladaq ki, ilk matçda əsas heyət rəqibini 6:0 məğlub etmişdi. Komandalar aşağıdakı heyətlərlə mübarizə aparıblar:
Əsas komanda: Elnar Məmmədov, Nodar Məmmədov, Muammer Erdoğdu, Murad Musayev, Şəhriyar Xəlilov, Rəşid Əmiraslanov (Kamal Mirzəyev (Daniel Kruz)), Bruno da Silva (Yaşar Abuzərov), Elmar Baxşıyev (Rəşad Abdullayev) ,Lorival Assis, Yannik Kamanan (Amil Yunanov), Viktor Mendi.
Əvəzedici komanda: Cavidan Hüseynzadə, Şirməhəmməd Məmmədov, Müşfiq Teymurov, Sadiq Quliyev, Ruslan Bədəlov, Əziz Hüseynov, Elvin Camalov, Salman İbrahimov, Tellur Mütəllibov, Elnur Mustafazadə, Rey Məmmədbəyli.
Yannik Kamananın het-triki əsas komandanın 3:0-lıq qalibiyyətini təmin edib. Xatırladaq ki, Kamanan öncəki oyunda dublla yadda qalmışdı.
