9 sentyabr 2012 14:47
Berluskoni Neftçi ilə oyun öncəsi İnterə xəbərdarlıq etdi
İtaliyanın “Milan” klubunun sahibi, bu ölkənin sabiq baş naziri Silvio Berluskoni Milan şəhərinin digər təmsilçisi “İnter”ə xəbərdarlıq edib. Azerisport.az xəbər verir ki, o, bu yay “Milan”ı “İnter”ə dəyişən Antonio Kassanoya görə rəqib komandanın çox da sevinməməsini məsləhət görüb:
“İnter” rəhbərliyi, eləcə də fanatları tezliklə Kassanonun başqa komandaya keçməsini arzulayacaqlar. Çünki bu futbolçu komandanın paltardəyişmə otağında atmosferi korlamağa qadirdi”.
“İnter” rəhbərliyi, eləcə də fanatları tezliklə Kassanonun başqa komandaya keçməsini arzulayacaqlar. Çünki bu futbolçu komandanın paltardəyişmə otağında atmosferi korlamağa qadirdi”.
Qeyd edək ki, Kassanonun “Milan”ı “İnter”ə dəyişməsi də böyük qalmaqalla müşaiyət olundu. Antonio bu keçiddən sonra həm sabiq baş məşqçisi Massimilano Alleqrini, həm də “Milan”ın vitse-prezidenti Adriano Qallianini sərt tənqid etmişdi.
Bu arada “Milan”ın əfsanələrindən olan Franko Barezi də Kassanoya az danışmağı və bütün diqqətini futbola yönəltməsi lazım olduğunu bildirib. O, hücumçunun keçmiş klubu barədə açıqlamalarının yersiz olduğunu dilə gətirib:
“Kassano haqqında çox danışmayacağam. Sadəcə bir qədər az danışıb, çox oynaması lazımdı. Belə açıqlamalar vermək ağılsızlıqdı”.
Sonda xatırladaq ki, “İnter” Avropa Liqasının qrup mərhələsində “Neftçi”nin rəqibidi. Komandamız bu rəqibi ilə ilk oyununu oktyabrın 4-də Bakıda keçirəcək.
