11 sentyabr 2012 16:36
Türkiyədə Azərbaycan derbisi baş tutmaya bilər
Futbol üzrə Azərbaycan yığmasının müdafiəçisi Rail Məlikovla Cavid Hüseynovun şərəfini qoruduqları Türkiyənin “Denizlispor” və “Adana Demirspor” klubları PTT Birinci Liqanın 3-cü turu çərçivəsində bir-biri ilə üz-üzə gələcək. Azerisport.az xəbər verir ki, futbolçularımızın bir-birinə qarşı oynaması gözlənilsə də, bu, baş tutmaya bilər.
Buna Railin son məşqlərdən birində zədələnməsi səbəb olub. Bu üzdən də o, sentyabrın 6-da Dənizlidə keçirilməsi gözlənilən görüşü buraxmalı olacaq:
“Mən yaxşı forma yığmışam. Oynamağa da hazıram. Amma son məşqlərdən birində aldığım zədənin mənə problem yaradacağından qorxuram. Hələlik komanda ilə birgə hazırlaşıram. Ümd edirəm ki, oyuna qədər ağrılarım azalacaq. Cavid Hüseynovun komandasına qarşı oynamağı çox istəyirəm”.
“Mən yaxşı forma yığmışam. Oynamağa da hazıram. Amma son məşqlərdən birində aldığım zədənin mənə problem yaradacağından qorxuram. Hələlik komanda ilə birgə hazırlaşıram. Ümd edirəm ki, oyuna qədər ağrılarım azalacaq. Cavid Hüseynovun komandasına qarşı oynamağı çox istəyirəm”.
Qeyd edək ki, Rail “Adana Demirspor”a qarşı oynasa, bu, onun yeni klubunda debüt matçı olacaq. Amma Cavid artıq öz klubunda əsas heyətin üzvünə çevrilib və mümkündü ki, “Denizlispor”a da qarşı ilk “11-lik”də yer alsın.
