13 sentyabr 2012 18:14
“Biz artıq Barcelona ilə oynaya bildiyimizi isbatlamışıq”
Futzal üzrə Azərbaycan çempionu “Araz”ın baş məşqçisi Joze Alesio da Silva UEFA Kubokunun elit raundunun püşkünü dəyərləndirib. Azerisport.az xəbər verir ki, Azərbaycan təmsilçisi İspaniyanın “Barcelona”, Sloveniyanın “Litija” və Xorvatiyanın MNK Split klubları ilə eyni qrupda yer alır.
Braziliyalı mütəxəssis oktyabrın 9-14-ü aralığında Sloveniyada keçiriləcək oyunlar ərəfəsində bunları dilə gətirib:
“Püşkün nəticəsini bizim üçün yaxşı saymaq olmaz. Ən azı ona görə ki, biz yenə “Barcelona” ilə bir qrupa düşdük. Bu komanda UEFA kubokunun son qalibidi. Dünyanın ən yaxşı komandasıdı. Ötən mövsüm məhz bu komandanın ev sahibliyi etdiyi qrup oyunlarında biz onlarla heç-heçə etmişdik – 2:2”.
“Püşkün nəticəsini bizim üçün yaxşı saymaq olmaz. Ən azı ona görə ki, biz yenə “Barcelona” ilə bir qrupa düşdük. Bu komanda UEFA kubokunun son qalibidi. Dünyanın ən yaxşı komandasıdı. Ötən mövsüm məhz bu komandanın ev sahibliyi etdiyi qrup oyunlarında biz onlarla heç-heçə etmişdik – 2:2”.
“Araz”ın baş məşqçisi digər rəqibləri keçiləsi komanda sayır: “Litija” öz qrupunda birinci yeri tutmuşdu. Bu komandada legioner yoxdu. Amma güclü kollektivi var. Xüsusilə müdafiə xətti çox inamlı təsir bağışlayır. Amma xorvatlar barədə demək olar ki, heç nə bilmirəm. Hər halda bu komanda qrupumuzun ən zəif komandası sayılır. Futzalda rəqibi qiymətləndirməmək həmişə baha başa gəlir. Hər iki komanda gücümüzə görə olsa da, onlara da qarşı ciddi hazırlaşmalıyıq. Əgər öz oyunumuzu sərgiləyə bilsək, onları məğlub edə bilərik”.
Lakin Joze Alesio “Dördlər finalı”na düşmək şansının daha çox “Barcelona”da olduğunu düşünür: “Bu şansın 50 faizi “Barcelona”da, qalanı qrupun digər üç komandasındadı. Amma biz indidən təslim olmaq fikrində deyilik. Çalışacağıq. Biz artıq ispanlarla oynaya bildiyimizi isbatlamışıq. Bu komanda ilə oyuna qədər “Barcelona”ı taktiki cəhətdən necə məğlub etmək üstündə baş sındıracağam. Bizim kifayət qədər motivasiyamız var. Dördlər finalında oynamaq istəyirik”.
