“Azərbaycanla oyunda ələ düşən hər qol epizodunu dəyərləndirmək lazımdı”

Nigeriyanın 17 yaşadək qızlardan ibarət yığmasının baş məşqçisi Peter Dedevbo Azərbaycanda keçiriləcək dünya çempionatı ilə bağlı fikirlərini açıqlayıb. Azerisport.az xəbər verir ki, yığmamızla eyni qrupda yer alan nigeriyalılar mundiala Portuqaliyada hazırlaşırlar.

 

Dedevbonun fikrincə, onun yetirmələrinin Azərbaycanda uğur qazanması üçün əsas amil ələ düşən hər imkandan maksimum yararlanmaq ola bilər: “Ələ düşən hər qol epizodunu dəyərləndirmək lazımdı. Əks halda başqa şans olmaya bilər. Futbolda adətən öz qol imkanlarından daha yaxşı yararlanmağı bacaran komandalar qələbə qazanırlar”.

 

Dedevbo qrupda xüsusilə Kanada ilə oyunun vacib əhəmiyyət daşıdığını dilə gətirib: “Bu oyunda xüsusilə müdafiəçilirimiz diqqətli olmalıdılar”.

 

Yığmamızın rəqibi Portuqaliyada daha çox müdafiəçilərin çıxışını yaxşılaşdırmaq üzərində çalışır. Bu mənada standart vəziyyətlərə də ciddi önəm verilir.

Qeyd edək ki, Azərbaycanın da yer aldığı qrupda Nigeriya ilə yanaşı Kanada və Kolumbiya da yer alır.